ԲՀԿ-ն կոչ է անում իր բոլոր կուսակիցներին «մոբիլիզացվել և դուրս գալ փողոց, լինել ժողովրդի կողքին»

ԲՀԿ-ն կոչ է անում իր բոլոր կուսակիցներին «մոբիլիզացվել և դուրս գալ փողոց, լինել ժողովրդի կողքին»

«Հաշվի առնելով այն հանգամանքը, որ «Բարգավաճ Հայաստան» կուսակցությունը (ԲՀԿ)՝ նախագահ Գագիկ Ծառուկյանի գլխավորությամբ, հայտարարել էր, որ միանում է համաժողովրդական ընդվզման ալիքին և կանգնած է ժողովրդի կողքին, կոչ ենք անում մեր բոլոր կուսակիցներին հանրապետության բոլոր մարզերում և մայրաքաղաք Երևանում մոբիլիզացվել և դուրս գալ փողոց, լինել ժողովրդի կողքին», — այսօր հայտարարել է ԲՀԿ քաղաքական խորհուրդը:

«Մենք մշտապես եղել և լինելու ենք մեր ազգի և հայրենակիցների կողքին», — ասված է հայտարարությունում:

Հիշեցնենք, Հայաստանի երրորդ նախագահ Սերժ Սարգսյանը ապրիլի 23-ին հայտարարեց վարչապետի պաշտոնից իր հրաժարականի մասին: Դրանից րոպեներ առաջ «Բարգավաճ Հայաստան» կուսակցությունը և Ազգային ժողովի «Ծառուկյան» դաշինք խմբակցությունը հայտարարեցին, որ «միանում են Հայաստանում և աշխարհասփյուռ հայության շրջանում ծավալված համաժողովրդական շարժմանը»:

Սերժ Սարգսյանի իշխանավարման շարունակման դեմ պայքարը գլխավորող Ազգային ժողովի «Ելք» խմբակցության ղեկավար, «Քաղաքացիական պայմանագիր» կուսակցության առաջնորդ Նիկոլ Փաշինյանը հայտարարել է այսօր բողոքի անհնազանդության գործողությունները վերսկսելու մասին:

Ազատություն

Комментарий
поделится в
error: Content is protected !!